Burqaa Dhaabaa irraa

Seenaan isaan haa yaadatu Koloneel Alamuu qixxeessa ergi du’ani booda filannoo taasifameen Barreesa WMT ta’ani hojataa kan turan, Obboo laggasaa deetti otoo hin hidhamin dura dura ta’a Koree Aadaa fi Seenaa oromo akkasumas misseensa Bordi WMT Ta’anii dalagaa turan.

Akka seenaa isaani irraa hubannetti bara Dargi otoo hin qabamin dura biyya Amerikatti barnoota human qilleesa USA tiin flight techinican ta’un baratani sadrkaa olaanaan eebifamani biyyatti deebi’udhaan ganna tokkollee otoo hin turin, gaafiin cunqurfamtootaa deebi argachu qaba jedhani waan falmaniif Dargiin qabee gana sadeetii fi baati ja’aaf hidhaa hamaa fi sukkaneesaadhaan hiraarsa ture, reebichaa fi torchiin irratti raawatameen harki isaani cabee ganna tokko oli Hiriyoota isaan waliin hidhaa keessa jiranitu nyaatallee laataafii ture.

Ergi mana hidhaati bayan booda ammoo dalagaa dhorkaamani ganna lamaa oli hojii barbaachatti rakkataa turan. Isaanis rakkina kanaan otoo hin booji’amin Universiti Finfinnee seenudhaan ganna afuur ergi baratani booda carraa hoji argannaan barnoota isaani otoo hin goolabiin maatii fi ijoolee isaani guddisuuf jecha dalagaatti bobahan. Otoo kanaan jiranuu Dalagaa wayyaahuu argannaan gara hoji Midirok avation seenanii leenjiif biyya Amerikaati yeroo lammataatiif ergaman.

Obboo Laggasaan WMT jalatti korewwan jiran keessaa Koree Aadaa, Seenaa fi Amantii oromoo cimsuudhaaf bu’ureessaa ta’ani halkanii guyyaa otoo hin nuufa’in hojataa akka turani seenaan isaani ni addeessa. Haaluma kanaan otoo jiranu magalaan oromiyaa finifinnee irraa gara Adaamatti ce’u qaba jedhame murttee wayyaaneen murta’e mormuudhaan WMT hiriira nagaa qopheesseen qabamanii akeekkachiisni hamaan itti keename gadi lakkifaman, baati murtaahee booda ammo kijiba dharaa uumudhaan ABO waliin quunamtii qabda, maadhee biyya keesaa siin geegeefama jechuudhan raga sobaa fi waan hin jirre qopheesudhaan mana hidhaa ma’ikalaawii, Ziwaayii, qaalittiiti fi karchalleetti ganoota afuriif hidhaan hiraaramaa turan. Miidhaan kun martinu kan isaan irra gahaa jiru waan oromoo ta’anii fi aadaan oromoo kabajamuu, dagaaguu fi warra hafan waliin ija tokkon ilaalamu qaba ka jedhu amntaa falmii hin qabnee waan qabaniif malee badi tokko dalagani miti. Ammas, haala kanaan otoo jiranuu mana hidhaa keeyissaa akkuma bahanitti dalagaa isaanitti ji’oota 7 booda deebi’un yeroo sadaffaaf gama USA tti ergamani baati afuur ergi turani booda gara biyyaatti deebi’un dalagaa isaani cinaatti waahee aadaa oromoo irratti bal’inaan hojataa turan. Obboo Laggasaan namoota yeroo dheeraadhaaf mootummoota dargiif wayyaaneetiin rakkachuufi hidhamuu isaanii beekaniin aka Amieerikaatti hafan yoo gaafataman wagaa lama dura ani biyya kootti deebi’ee uummata koo keessatti rakkachaa aadaaf seenaa uummata koo guddisuu naan wayya, otoo biyya alatti hafuuu ta’ee bara Darigii, warra isaan barsiisaa tureen gaafatamanii akka hin fudhatin ibsan. Keesaayyuu, Irreecha bara- baraan kabajamaa jiru bifaa fi karaa qajeelaa qabate akka tarkaanfatu hiriyoota isaani waliin jabeesudhaaf mata duree ta’ani akka dalagaa turan ni hubatam. Aadaa oromoo, oromoon jabeesse qabate akka of ta’u dandahu dargaagoota, barattootaa fi maanguddoota barsiisuudhaan naannoon hundi aadaa isaa akka ulfinaa fi kabaja keenuuf akkasumas akka of ta’anii deeman barsiisudhaan tattaafii hiriyaa hin qabne taasisaa turan/jirus.

Aadaa Oromoo gabisuu fi jabeesudhaaf jecha haagayya 23/2011 Gubaa Masqala Oromo naannoo lixa shawaa goodina Gindabaratiti bal’inaan kabajame irratti aferamani uumata naannoo sana waliin bal’inaan kabajanii, Sirna kabaja gubaa masqala naannoo Gindabaratitti taasifame kuusaa galmee seenaa Oromootti akka dabalamuuf waraabanii otoo galaa jiranuu naannoo Gincitti kitilayyoota mootumaatiin ukkaamamani mana hidhaa Gincitti ergi galchani booda barii isaa mana murtii aanaa Dandiitti dhiyeesani Kan ittin yakkan …

1- Naannoo kana maaliif dhufan?
2- WMT cufameera, isaan maqaa WMT tiin socha’u.
3- Warri isaan waliin qabamani turan Misseensa Bordi WMT ka ta’an Obbo Mulugeetaa Riqituu fi Barataa Sisaay Sarbeessaa waliin eessatti wal beektu?
4- Akkasumas, waraabiin sirna gubaa Oromoota naanoo Ginsabaratiin taasifame uumata nurraatti kakaasa, ka jedhuu yoo tahu manni Murtii guyyaa beelamaa 14 akka kennuuf gaafatan.

Kanaaf, warabbiin Viidiyoo gubaa Masqalaa kunilleen ilaalmuu qaba jechudhaan mana murti aanaa dandiitti dhiyeesan. Abbaan murtii aanichaa vidiyoo warabame erga ilaalee booda badiin Obboo Lagasaa deetti fi warri isaan waliin qabaman maqaan isaanii asii olitti xuqame gocha isaanii kanaaf badii tokko akka hin qabne murteesse.

Akka kanaatti murti akkana jedhu keenne “Badi tokko waan hin qabneef guyyaa beelamaa kennuun hin barbaachisu, Waraabi kanarraa badi tokkollee hin argine, wanni ittiin himataman kun waan isaan gaafachisu tokkolle hin qabu, kanaaf bilisaan gad haalakifaman jedhe” Isaanis murti kanaan aarani deebisanii mana hidhaati galchan. Abukaatoon isaanif dhaabate yoo xiqaate mirgi wabillee yaa eegamuuf jedhee mana murtirraa xalayaa baasee gaafa 08/29/11 sa’aa Itophiaati waare booda 8:00pm akka dhiyyatan beelamsiise. Wayyaanoonnis kana waan beekaniif guyyuma sana sa’atiin beelama otoo hin gayin sa’a lama dursan 6:00pm irratti fudhatani gara isaan geesan otoo hin beekamiin jira. Maatii, firootanii fi hiriyootni isaani yaadoo guddaa keessa galani jiru.

Obbo Laggasaa Deettii otoo hin qabamiin dura Mucaan keesan bosona jira, bakka inni jiru nu himi Jedhamanii akka sodaachifamaa turan odeefannoon namoota isaan beekanirraa dhagayamee jira. Mucaan isaanis yeroo gara garaa qabamae Mana hidhaa keesatti reebichii fi hiraaramni guddaan akka irratti raawatamaa ture. Sanaan boodee Obboo Laggasaa hidhanii Ilma isas uukkaamsani bakka isaan geesan otoo hin beekamiin hanga har’atti walaalamee jira.

Haala kanaan oromoota kumaatamaan lakaayaman dharaan yakkamani bakka gara garaatti akka gidiraa uunachaa jiran hubatamaa waan taheef, Namuu bakka jirutti yoo xiqaate qaamota mirga dhala namaaf falmanitti akka iyyatuu fi biyyootni mootimicha gargaaraa jiran imaamata isaani akka keessa deebi’ani ilaalan, gochaa motimichi halkani guyyaa uumata oromoo irratti raawataa jiru saaxilun tarkaanfi barbaachisa tahe akka fudhatan ykn dhiibaa akka taasisan karaa maraanu irratti hojatuun nu feesisa. “Yoo Abbaan iyyate malee ollaan namaa hin birmatu” jedha oromoon eennaa mammaaku.