Keebek Guddinaa Irraa* | Adoolessa 2012

Maaliif nutti faarsuu
Maa nutti leellisu
Nutuu hin irraanfannee
Maal nu yaadachiisuu!
Akkamiin dagannaa
Akkam irraanfannaa
Gonkumaa gonkumaa
Gaaris ta’ee yaraa
Seenaan seenadhuma
Kunoo bara sana
Bara hireen jal’atte
Walabummaan gurraachoota
Adiidhaan mulqamte
Seenaatu dubbataa
Nus yoom nu hanqattee
Daangaa itti hin ceene
Dacheedhuma isaarratti
Kan isaanii hin tuqnee
Qabeenyuma isaaratti
Kan dhiiga dhangalaase
Miniliki mitii
Gantuu lammii keessaa
Firasaa godhate
Fitaawurarri … Dajjaazmach
Qanyaazmaach … Giraazmaach
Mataa waraanafa jechuun moggaafatee
Karaa ofii hin beekne
Faana isaan dhahatee
Halkan tokkittidhaan
Kumaatama fixee
Bada ilmaan aabba
Harka irraa kukkute
Ayyoo haadha dhiiraa
Harma irraa murate
Dirree calanqqotu
Galmeefatee kaa’e
seenan Aanoleedha
Kan dhiigaan galmaa’e!
Maaliif irraanfanna
Akkamiin dagannaa
Gonkumaa gonkumaa
Gaaris ta’ee yaraa
Seenaan seenaadhuma!

Maarree maal ta’anii
Maaliif nutti faarsuu
Tasa hin irraanfanne
Maal nu yaadachiisu
‘Xuqur sawu … xuqur sawu!’
Yewagga birasaa yetawagga ayirsawu
Jedhee kan mammaakee
Isaanuma hin turree?
Maaliif irraanfanna
Akkam dagannaree?
Duraanu jedhani
Silas miidhaginni akka abbaan laaletti
Ijji tokko ilaaltee
Daranuu jaallatti
Goota biyyaa jettee
Olkaaftee jajatti
Ijji isheen kaan ammo
Argaadhaaf jibbiti
Diina bara baraa jetteetu
Dhalootaaf labsiti
Egaa ani minilikiin …
Ija akaakayyuu kootiini
kanan isa ilaalu
Ijaa abaabayyuu kootiin
Kanan isa madaalu
Ija tanaan ilaalee
Goota koo jedhuuree
Isuma azmaarii anis dabaluuree
Lakki ija tanaan yoggutiin ilaalu
Sadarkaa gootummaa
Tasumaa hin madaalu
Gootummaan ha hafuu
Namattuu hin dabalu
‘Seexana Gurraacha’
Kan guyyaa adiidhaan ilmaan nama qalu!

Warra Minilikin ‘Tiqur Sawu’ jedhee leellisuuf
* Keebek Guddinaa: keebekgud@gmail.com